Fillimi  BreadCrumbTrailerZyra për Informim  BreadCrumbTrailerLajme  BreadCrumbTrailerEULEX-i i përkujton viktimat e fatkeqësisë...

EULEX-i i përkujton viktimat e fatkeqësisë ajrore të vitit 1999 në Kosovë

07 nëntor 2018

Sot, përfaqësuesit e EULEX-it të udhëhequr nga Drejtuesi i Ekipit të Njësisë për Bashkëpunimin Policor Ndërkombëtar në EULEX, Vincenzo Cardinale, nderuan kujtimin e atyre që humbën jetën në fatkeqësinë ajrore të vitit 1999 në Kosovë.

Më 12 nëntor 1999, një aeroplan çarter i Programit Botëror për Ushqim të OKB-së u rrëzua në një faqe mali 7 milje në verilindje të Mitrovicës derisa ishte duke fluturuar drejt aeroportit të Prishtinës duke shkaktuar vdekjen e të gjithë 24 personave që ndodheshin në të.

Me anë të një momenti lutjeje, EULEX-i i ka përkujtuar sot punëtorët dhe zyrtarët humanitarë ndërkombëtar, që kryesisht kanë punuar për agjencitë e OKB-së, qeveritë dhe OJQ-të, të cilët e kanë humbur jetën në këtë aksident tragjik.

“Kujtimi i tyre është i rëndësishëm ende edhe sot për ta kuptuar sakrificën e të gjithë atyre që kanë shërbyer në Kosovë gjatë 20 viteve të kaluara, si dhe për t’i nderuar ata që vazhdojnë të shërbejnë në vendet e tyre dhe në misionet ndërkombëtare në zonat e konfliktit dhe operacionet paqeruajtëse,” tha Vincenzo Cardinale, Drejtuesi i Ekipit të Njësisë për Bashkëpunimin Policor Ndërkombëtar në EULEX. “Këtë vit kontingjenti i Policisë së Shtetit i Italisë në EULEX vendosi që ta restaurojë pllakën përkujtimore dhe ta nderojë kujtimin për viktimat, të cilat e humbën jetën e tyre gjatë një misioni të solidaritetit, miqësisë dhe paqes. Ata kanë ikur, por nuk do të harrohen kurrë nga bashkësia ndërkombëtare dhe ajo vendase,” tha Cardinale.
 

Prapa

Zyra për Informim

Gratë në sundimin e ligjit

SPROVAT E JETËS SJELLIN REZULTATET MË TË MIRA – NJIHUNI ME NATALIE DAWSON

SPROVAT E JETËS SJELLIN REZULTATET MË TË MIRA – NJIHUNI ME NATALIE DAWSON

Puna e palodhshme dhe sfiduese ka qenë një prej karakteristikave kryesore në jetën personale dhe profesionale të Natalie Dawson.

Profili Video

Një ditë nga jeta e Hakan Wall-it

Një ditë nga jeta e Hakan Wall-it

Udhëheqës i Njësisë Këshilluese për Çështje të Policisë dhe Kufirit, shpjegon punën e tij dhe sfidat me të cilat përballet në Kosovë.