Shembull për marrëdhënie të mira ndëretnike

23 mars 2010


Yves de Kermabon takohet me Komandantin e Policisë në Dragash

Shefi i misionit Yves de Kermabon së bashku me Udhëheqësin e Komponentit të Policisë të EULEX-it, Udo Möller e kanë vizituar qytetin e Dragashit në Kosovë, si pjesë e aktiviteteve të vazhdueshme të vizitave të tyre nëpër komuna.
Së pari ata janë ndalur në Komunën e Dragashit ku kanë biseduar me autoritetet lokale.

Kryetari i Komunës Salim Jenuzi i njoftoi me regjionin duke e theksuar karakterin shumë-etnik të kësaj pjese që është i veçantë për Kosovën. “Në përgjithësi situata këtu është e qetë duke ju falënderuar popullatës së këtushme.

Marrëdhëniet në mes të komuniteteve të ndryshme që jetojnë këtu janë të mira. Bashkëpunimi i tyre me komunën si dhe me policinë bazohet në respektin e dyanshëm.”

Yves de Kermabon dhe Udo Möller gjithashtu janë takuar edhe me Gëzim Berishën, komandant i stacionit lokal të policisë.

Komandanti theksoi se policia e EULEX-it dhe ajo lokale kanë një bashkëpunim të mirë. “Por, përkundër situatës relativisht të qetë këtu, ai shtoi se: “ ka vende ku policia duhet ta shtojë efikasitetin e saj, posaçërisht në punën në bashkësi.”



Other Photos: