Shtetet anëtare të BE-së në tërësi mbështesin aktivitetet e BE-së në Kosovë

08 qershor 2010


Nga e majta në të djathtë: Përfaqësuesi Special i BE-së në Kosovë Pieter Feith, Shefi i misionit të EULEX-it në Kosovë Yves de Kermabon

Shefi i misionit të EULEX-it Yves de Kermabon dhe PSBE në Kosovë Pieter Feith janë takuar sot me media në Bruksel pasi të dy i njoftuan Shtetet Anëtare në komisionin për Politik dhe Siguri për zhvillimet më të reja në Kosovë dhe për punën e misionit të EULEX-it në Kosovë.

Yves de Kermabon me kënaqësi deklaroi se misioni të cilin ai e udhëheqë ka mbështetje të plotë nga 27 shtetet anëtare, posaçërisht për hapat e ndërmarrë tani për luftimin e korrupsionit dhe në mes tjerash ai arriti ti informoi gazetarët se vendimi për vazhdimin e mandatit të misionit edhe për dy vite është marrë pikërisht të njëjtën ditë.

Shefi i misionit theksoi tri çështjet kryesore të cilat misioni i ka trajtuar në këtë kohë: ”luftimi I korrupsionit, arritja e përgjegjësisë (pronësisë) vendore dhe progresi në fushën e krimeve të luftës dhe personave të zhdukur janë me të vërtetë në qendër të vëmendjes për misionin e EULEX-it” de Kermabon tha se. ”Misioni është i përkushtuar në luftimin e korrupsionit dhe hetimet e fundit janë shembull i qartë I vendosmërisë tonë reale.” Ai vazhdoi duke theksuar disa nga të metat dhe sfidat në institucionet për sundim të ligjit në Kosovë siç është paraqitur në Raportin e fundit Programor të EULEX-it me të cilat duhet të merren institucionet vendore por në të njëjtën kohë ai theksoi se është arritur progres dhe ai lavdëroi Kryeministrin Thaçi për pjekurinë e tij të treguar kur Qeveria që udhëheqë ai, përkatësisht një ministri është bastisur.

Pieter Feith theksoi se ka një progres të qëndrueshëm në dy fusha: Ngritja e institucioneve, konsolidimi dhe fuqizimi për një demokraci shumetnike në Kosovë. Më tej ai i rikujtojë mediat për veprimet e cekura më parë të ndërmarra nga EULEX se nuk kanë ndodhur në Kosovë në dhjetë vitet e fundit. Ai po ashtu përmendi faktin se Qeveria e Kosovës tani prin në luftimin e korrupsionit, gjë që mund të shikohet si një zhvillim pozitiv. Feith vazhdoi duke treguar për pjesën veriore të Kosovës: ”Veriu nuk do të anashkalohet. BE-ja po bënë dhe do të ketë një rolë të madh në promovimin e zhvillimit socio-ekonomik dhe sundimin e ligjit. Veriu do të jetë pjesë e perspektivës Evropiane, sikurse është për Beogradin dhe Prishtinën” lidhur me opinionin këshillëdhënës të GjND (Gjykatës Ndërkombëtare për Drejtësi) Feith u shprehë se kjo është një mundësi për të dy palët për ta shfrytëzuar në mënyrë konstruktive dhe për tu angazhuar drejtpërdrejt në çështje praktike.



Foto tjera: