Konfirmohet aktakuza për një rast të shmangies së tatimit

13 prill 2012

Më 4 prill 2012, një gjykatës i EULEX-it në Gjykatën Komunale të Pejës konfirmoi aktakuzën kundër B.S. dhe B.S.. Të pandehurit akuzohen për kryerjen e veprës penale të shmangies së tatimit përmes dy kompanive në Pejë që udhëhiqen nga ata.

Të pandehurit kanë hequr dorë nga e drejta për shqyrtimin e aktakuzës dhe të dëshmive përmes avokatëve të tyre para seancës dëgjimore për konfirmimin e aktakuzës. Gjykatësi e shpalli aktakuzën të konfirmuar dhe të gjitha dëshmitë e marra gjatë hetimeve si të pranueshme.

EULEX-i ka bërë monitorimin, mentorimin dhe këshillimin e prokurorit vendor nga Prokuroria Speciale i cili është marrë me rastin.