English Shqip / Srpski

 
Komunikata për media

Joëlle Vachter emërohet Zëvendës-Shefe e EULEX-it

4 mars 2013

Zj. Joëlle Vachter është emëruar Zëvendës-Shefe e re e Misionit të Bashkimit Evropian për Sundimin e Ligjit në Kosovë (EULEX) dhe e ka filluar detyrën sot.

Zj. Joëlle Vachter , Zëvendës-Shefe e re e EULEX-it

Vachter, franceze me gradë kolonele, me përgatitje arsimore në drejtësi dhe administratë publike, ka një karrierë të gjatë profesionale në policinë dhe ushtrinë franceze. Para ardhjes në EULEX, Vachter ishte Drejtoreshë e Zyrës për Menaxhim të Krizave në Ministrinë e Punëve të Brendshme të Francës.

Zëvendës-shefja e re e EULEX-it ka më shumë se 20 vite përvojë në policinë franceze, dhe ka shërbyer në Francë, në Shqipëri si pjesë e Elementit Këshillëdhënës Policor Shumëkombësh, si dhe në Kosovë si pjesë e KFOR-it.

Gjatë 12 viteve të përvojës së saj, Vachter ka qenë e postuar në Gjermani dhe Bregun e Fildishtë. Po ashtu, ajo ka punuar për tri vite në Departamentin e Operacioneve Paqeruajtëse të Kombeve të Bashkuara si Oficere Përgjegjëse për dërgimin e Njësive Policore të Specializuara në Kosovë dhe Timorin Lindor.