Dënohen tre persona për rastin e trazirave të vitit 2008 në Gjykatën e Mitrovicës

Një trup gjykues i përbërë nga tre gjyqtarë të EULEX-it në Gjykatën Themelore në Mitrovicë i ka dënuar tre nga gjashtë personat që po gjykoheshin për sulm të kundërligjshëm në objektin e gjykatës në veri të Mitrovicës më 17 mars 2008.

I akuzuari M.I. u shpall fajtor për disa nga pikat e akuzës dhe u dënua me një dënim të përgjithshëm prej një viti e dhjetë muaj burgim.

I akuzuari Z.C. u shpall fajtor për disa nga pikat e akuzës dhe u dënua me nëntë muaj burgim. Ky dënim është me kusht për një vit.

I akuzuari D.M. u shpall fajtor për disa nga pikat e akuzës dhe u dënua me një dënim të përgjithshëm prej një viti e gjashtë muaj burgim.

Të pandehurit M.R., A.K. dhe N.J. u liruan nga të gjitha akuzat.

Rasti ka të bëjë me trazirat e muajit mars 2008 kur gjykata në veri të Mitrovicës ishte sulmuar në mënyrë të kundërligjshme nga një numër i madh njerëzish duke shkaktuar vdekjen e një polici ndërkombëtar nga Ukraina.

Rastin e ka ndjekur penalisht një prokuror i EULEX-it.