Një i arrestuar në hetimet për krim të organizuar lidhur me trafikim të drogës

04 maj, 2011

Policia Ekzekutive e EULEX-it e ka arrestuar një person në Pejë në lidhje me trafikimin ndërkombëtar të heroinës. Po ashtu, Policia e EULEX-it, e ka bërë bastisjen e dy objekteve të ndryshme në Pejë në lidhje me trafikimin e drogës.

Operacioni është zhvilluar në mëngjesin e hershëm të ditës së mërkurë, 4 maj.

Personi i arrestuar akuzohet për trafikim të drogës në Kosovë dhe jashtë saj drejt shteteve të ndryshme evropiane në vitet 2008-09. Arrestimi i tij është pjesë e një hetimi më të gjerë lidhur me krimin e organizuar.

Arrestimi dhe bastisjet janë autorizuar nga një gjykatës i procedurës paraprake në Gjykatën e Qarkut të Prishtinës. Hetimet po mbikëqyren nga një prokuror i EULEX-it nga Prokuroria Speciale e Kosovës (PSRK).