Më 1 nëntor 2025, Shefi i Misionit të Bashkimit Evropian për Sundimin e Ligjit në Kosovë (EULEX), Giovanni Pietro Barbano, mori pjesë në Konferencën Vjetore të Prokurorëve të Kosovës, ku u bënë bashkë kryeprokurorë dhe prokurorë nga të gjitha prokuroritë, si dhe përfaqësues të institucioneve të sundimit të ligjit të Kosovës dhe organizatave ndërkombëtare.

Duke iu drejtuar pjesëmarrësve, Barbano ripohoi përkushtimin afatgjatë të EULEX-it për të mbështetur një sistem prokurorial të pavarur dhe të paanshëm përmes aktiviteteve të fuqishme monitoruese: "Pavarësia e prokurorisë, e lirë nga ndërhyrjet politike, nuk mund të theksohet mjaftueshëm", tha ai.

“Ne besojmë që anëtari i sapo zgjedhur i Këshillit Prokurorial të Kosovës do të pasqyrojë integritet dhe profesionalizëm, duke e forcuar më tej besimin e qytetarëve në sistemin prokurorial”, shtoi Barbano.

Konferenca shërbeu si një platformë e rëndësishme për të diskutuar prioritetet kryesore në sektorin e drejtësisë, duke përfshirë forcimin e sundimit të ligjit në Kosovë, rritjen e transparencës dhe llogaridhënies, si dhe nxitjen e bashkëpunimit ndërinstitucional në luftën kundër krimit.