Më 11 qershor 2026, Njësia e Këshilltarëve Policorë (NJKP) e Misionit të Bashkimit Evropian për Sundim të Ligjit në Kosovë (EULEX) organizoi një diskutim në tryezë të rrumbullakët mbi temën e policimit të orientuar në bashkësi me zyrtarë të policisë në bashkësi të Policisë së Kosovës nga katër komunat veriore – Mitrovica e Veriut, Leposaviqi, Zveçani dhe Zubin Potoku.

Kjo tryezë e rrumbullakët u dha zyrtarëve mundësinë e shkëmbimit të hapur të përvojave, diskutimit të sfidave të cilat i hasin gjatë punës së tyre të përditshme dhe identifikimit të mundësive për forcimin e mëtejmë të raporteve polici-komunitet. Diskutimet vënë në pah vëmendjen e vazhdueshme të zyrtarëve ndaj angazhimit në bashkësi pavarësisht operimit në mjedis kompleks.

Analizat dhe rekomandimet e dhëna gjatë këtij diskutimi do të shërbejnë si mbështetje për punën këshilluese në vijim të EULEX-it dhe do të ndihmojnë për formësimin e nismave të ardhshme të policimit të orientuar në bashkësi me qëllim forcimin e bashkëpunimit mes policisë dhe komuniteteve që u shërbejnë.