“Të shërbesh në mjedis policor ndërkombëtar të jep mundësi unike të fitosh prej arritjeve më të mira të forcave policore të huaja të ndryshme, por edhe të përfaqësosh me krenari policinë e Polonisë në nivel shumëkombësh,” tha Zëvendësshefi i Misionit të Bashkimit Evropian për Sundim të Ligjit (EULEX), Cezary Luba, në një intervistë me “Policja 977”, revistë mujore e Polonisë për punën policore.

Në atë intervistë, Luba foli në hollësi për mandatin dhe aktivitetet e EULEX-it, duke u përqëndruar në bashkëpunimin e Misionit me Policinë e Kosovës. Zëvendësshefi i Misionit EULEX përmendi se Njësia Policore e Specializuar e Polonisë është reaguesi i dytë i sigurisë në Kosovë, si pjesë e një mekanizmi treshtresor i reagimit për siguri ku Policia e Kosovës është reaguesi i parë i sigurisë dhe KFOR-i reaguesi i tretë.

Zëvendësshefi i EULEX-it po ashtu bëri një përshkrim të detyrave të tija ditore dhe foli rreth hapave që Misioni i ndërmorri për zbutjen e përhapjes së koronavirusit, duke theksuar se asnjë pjesëtar i stafit të EULEX-it nuk ka dalë pozitiv për COVID 19.

Intervistën e plotë në gjuhën polake mund ta gjeni në këtë link: http://gazeta.policja.pl/997/informacje/187256,Na-strazy-pokoju.html